Qazaxıstan, Astana, 7 dekabr /Trend, müxbir A.Maratov/
Astanada ölkənin Neft və Qaz İnstitutunun rəhbəri Uzakbay Karabalin "Kazenergy" Əlaqələndirmə Şuraları Assoasiyasının növbəti iclasında "Kazenergy" çərçivəsində neft-qaz sahəsində mal və xidmət tədarükçüləri üçün reytinq bürosunun yaradılması təşəbbüsü ilə çıxış edib.
"Reytinq agentliyinin əsas məqsədi neft-qaz xidmətləri və avadanlıqları tədarükçülərinin müəyyən qiymətləndirmə reytinqi ilə məlumat bazasının yaradılmasıdır. Bu, sifarişçi müəssisələrə öz tələblərinə uyğun özlərinə podratçı seçməyə, dempinq qiymətlər üzrə xidmət və mallar təqdim edən aşağı keyfiyyətli rəqiblərdən qaçmağa imkan verəcək", - Karabalin bildirib.
Onun sözlərinə görə, bu xidmət ilk növbədə keyfiyyət standartlarına can atan və servis haqqında məlumatları tam qaydaya salan sifarişçilər üçün zəruridir.
