Azərbaycan, Bakı, 13 dekabr /Trend, müxbir E.İsmayılov/
ARDNŞ (Azərbaycan Respublikası Dövlət Neft Şirkəti) il yarım müddətində BƏƏ-dəki "əl-Füceyrə" (Fujairah) limanındakı neft terminalını istismara verməyi planlaşdırır. Bu barədə şirkətin yüksək vəzifəli nümayəndəsi bildirib.
"Hesab edirəm ki, il yarım ərzində terminalın tikintisi çərçivəsində işləri yekunlaşdıracağıq", - mənbə bildirib.
Onun sözlərinə görə, terminalın tikintisi çərçivəsində işlərə artıq başlanılıb və davam etdirilir. Hazırda terminaldakı iştirak payının 50 faizinə "Aurora Progress" Ticarət evi ilə birgə "SOCAR Trading" sahiblik edir.
Mayda ARDNŞ və İsveçrədə yerləşən "Aurora Progress" Ticarət evi neft məhsullarının saxlanılması da daxil olmaqla, neft anbarlarının inkişafı sahəsində əməkdaşlıq üzrə razılıq əldə ediblər.
ARDNŞ "SOCAR Trading" (İsveçrə) şirkəti ilə təmsil edib.
Gücü 641 min kubmetr olan bu terminalın tərkibinə 20 rezervuar daxildir və terminal benzin, nafta, orta distillat və digər neft məhsullarının daşınması imkanına malikdir.
Terminalın üçüncü tərəflərə infrastrukturun gücünü təklif edən müstəqil operatoru SOCAR AURORA olacaq.
Bu il "əl-Füceyrə" limanında tankerlərin qəbulu və yüklənməsi üçün çoxlu sayda körpünün istismara verilməsi planlaşdırılır.
