Azərbaycan, Bakı, 4 fevral /Trend/
ARDNŞ (Azərbaycan Respublikası Dövlət Neft Şirkəti) yanvar ayında Bakı-Supsa boru kəməri ilə "Azəri-Çıraq-Günəşli" yataqlar blokundan hasil edilən 242,4 milyon ton yüngül Azərbaycan neftini ixrac edib. Bu göstərici ötən ilin analoji dövründə 326,2 milyon ton olub. Bu barədə cümə günü ARDNŞ-nin Marketinq və İqtisadi Əməliyyatlar İdarəsinin məlumatında deyilir.
Ümumilikdə, 2008-ci ildə ARDNŞ Bakı-Supsa ilə 407,1 min ton neft ixrac edib.
Boru kəmərinin 2006-cı ilin noyabrında təmirə dayandırılması ilə əlaqədar 2007-ci ildə bu istiqamətdə neft nəql olunmayıb. 2008-ci ilin ortalarında bu boru kəmərinə neft doldurulsa da, gürcü-osetin münaqişəsi səbəbindən həmin proses dayandırılıb. 2008-ci il noyabrın əvvəlində bu boru kəməri ilə neft nəqli bərpa edilib.
Bakı-Supsa boru kəmərinin operatoru BP şirkətidir.
