...

Alternativ və Bərpa Olunan Enerji Mənbələri üzrə Dövlət Agentliyi kiçik SES-lərin tikintisinin dəyərini açıqlayıb

Energetika Materials 31 Oktyabr 2011 16:12 (UTC +04:00)

Trend-i buradan izləyin

Azərbaycan, Bakı, 31 oktyabr /Trend, müxbir E.İsmayılov/

Hazırda Azərbaycanda 11 kiçik su elektrik stansiyasının (SES) tikinti layihəsi işlənmə vəziyyətindədir. Trend-in məlumatına görə, bu barədə bazar ertəsi jurnalistlərə Azərbaycanın Alternativ və Bərpa Olunan Enerji Mənbələri üzrə Dövlət Agentliyinin direktor müavini Cəmil Məlikov deyib.

Onun sözlərinə görə, bu layihələrin əksəriyyəti layihələşdirmə və ya texniki-iqtisadi əsaslandırmanın hazırlanması mərhələsindədir. Onlardan bir neçəsinin təməli artıq qoyulub.

Məlikovun sözlərinə görə, gücü 1 meqavat olan bir kiçik SES-in tikintisinin dəyəri 2 milyon manat qiymətləndirilir.

Yaxın vaxtlarda Azərbaycanın müxtəlif regionlarında 36 kiçik SES tikiləcək. Bu barədə əvvəllər Trend-ə "Azərenerji" ASC-nin investisiya şöbəsinin rəisi Rafael Abbasov deyib.

Onun sözlərinə görə, hazırda 10 elektrik stansiyası artıq tikinti mərhələsindədir. Ümumilikdə "Azərenerji"nin planlarına 280 kiçik SES-in tikintisi daxildir.

Abbasovun sözlərinə görə, kiçik SES-lərin tikintisi elektrik enerjisinin tədarükü üzrə vəsaitləri azaldacaq və Azərbaycanın regionlarının inkişafını təmin edəcək. Kiçik SES-lərin yaradılması ölkədə alternativ və bərpa olunan enerji mənbələrinin inkişafı prosesinin tərkib hissəsidir.

Xəbər lenti

Xəbər lenti