Azərbaycan, Bakı, 4 noyabr /Trend, müxbir E.İsmayılov/
ARDNŞ (Azərbaycan Respublikası Dövlət Neft Şirkəti) Gürcüstanın yeni Baş nazirinin dəstəyinin davam edəcəyinə ümid edir. Trend-in məlumatına görə, bunu bazar ertəsi jurnalistlərə Dövlət Neft Şirkətinin rəhbəri Rövnəq Abdullayev bildirib.
Gürcüstanın Baş naziri Bidzina İvanişvili noyabrın 2-də ölkənin xarici işlər naziri İrakli Qaribaşvilini özünün varisi kimi parlament çoxluğuna və jurnalistlərə təqdim edib.
R.Abdullayevin sözlərinə görə, ARDNŞ-nin yeni Baş nazirlə əməkdaşlığı daha əvvəl yaranıb və şirkətin rəhbəri əməkdaşlığın davam etdirilməsində problem görmür.