Azərbaycan, Bakı, 30 aprel /Trend, müxbir E.İsmayılov/
2014-cü ilin I rübündə "Cənub" İstilik Elektrik Stansiyası (İES) 1,21 milyard kilovat-saat elektrik enerjisi istehsal edib. Bu barədə Trend "Azərenerji" ASC-yə istinadən məlumat verir.
İES mart ayında 434,3 milyon kilovat-saata yaxın elektrik enerjisi istehsal edib.
Qeyd edək ki, 2013-cü il iyulun əvvəlində istismara verilmiş "Cənub" İES Abşeron yarımadası və ölkənin cənub bölgəsinin enerji təhlükəsizliyinin möhkəmləndirilməsində vacib rol oynayır.