Təfərrüatlar əlavə olunub (ilk xəbər saat 10:21-də yayılıb)
Bakı. Maksim Tsurkov - Trend:
"Cənub qaz dəhlizi" layihəsinin realizəsi Avropada mürəkkəb qaz kəmərləri infrastrukturu yaratmağa imkan verəcək və bir sıra ölkələri Azərbaycan qazı ilə təmin edəcək.
Trend-in məlumatına görə, bunu Azərbaycanın energetika naziri Natiq Əliyev Caspian Oil & Gas-2016 konfransının gedişi zamanı deyib.
Onun sözlərinə görə, layihənin realizəsi Cənub-şərqi Avropada texniki baxımdan mürəkkəb qaz kəmərləri infrastrukturu yaradılmasını nəzərdə tutur.
N. Əliyev qeyd edib ki, İonik-Adriatik boru kəmərinin (IAP) tikintisi planlaşdırılır: "Bu boru kəməri ilə Azərbaycan qazı Monteneqro, Xorvatiya, Bosniya və Herseqovinaya çata biləcək. Bundan başqa buraxılış qabiliyyəti 6 milyard kubmetr qaz olacaq Macarıstan-Rumıniya interkonnektorun tikilməsi planlaşdırılır. Bu interkonnektor "Cənub qaz dəhlizi" sisteminə qoşulacaq".