"SOCAR Trading"in Çin bazarında gözü var

Azərbaycan Dövlət Neft Şirkətinin ticarət bölməsi olan "SOCAR Trading" şirkəti Çinin neft bazarına daxil olmaq niyyətindədir.

Trend-in məlumatına görə, bunu "Reuters" agentliyinə müsahibəsində şirkətin rəhbəri Arzu Əzimov deyib.

Onun sözlərinə görə, bu məqsədlə şirkət London ofisində işləyəcək üç yeni treyder tutub: "Çinin "Unipec" şirkətinin keçmiş şöbə rəhbəri və "Shell"-in keçmiş treyderi artıq SOCAR-la əməkdaşlıq edir, daha bir treyder isə gələn il bizə qoşulacaq. Biz Çinin neft emalı zavodlarına çıxış imkanlarımızı inkişaf etdirəcəyik".

A.Əzimov bildirib ki, "SOCAR Trading" çinli emalçılara birbaşa xammal satmağı planlaşdırır.