...

Azərbaycan "Neft Daşları"nda yeni layihənin icrasına hazırlaşır

Energetika Materials 1 Mart 2019 10:21 (UTC +04:00)
Azərbaycan "Neft Daşları"nda yeni layihənin icrasına hazırlaşır.
Azərbaycan "Neft Daşları"nda yeni layihənin icrasına hazırlaşır

Trend-i buradan izləyin

Bakı. Ləman Zeynalova - Trend:

Azərbaycan Respublikası Dövlət Neft Şirkəti (SOCAR) "Neft Daşları" yatağında "Mayak" layihəsinin icrasına hazırlaşır.

Bunu Trend-ə SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov deyib.

"Mayak" layihəsi neft və qaz hasilatı sahəsində məhsuldarlığın artırılmasına istiqamətlənib.

İ.Əhmədov bildirib ki, hazırda "28 May" və "Abşeronneft" neft-qaz çıxarma idarələri çərçivəsində yeni təşəbbüslərin, təkliflərin öyrənilməsi davam etdirilir və Neft Daşlarında layihənin icrasına hazırlıq gedir.

Şirkət rəsmisi qeyd edib ki, ümumilikdə gələcəkdə bu layihənin bilavasitə SOCAR-ın operativ idarələri tərəfindən işlənən bütün neft-qaz və qaz-kondensat yataqlarında həyata keçirilməsi mümkündür.

"Mayak" layihəsi SOCAR-ın "Azneft" İstehsalat Birliyinin "McKinsey&Company" şirkəti ilə əməkdaşlığı çərçivəsində həyata keçirilir.

Layihənin pilot hissəsi "28 May" NQÇİ-də reallaşdırılıb.

Məqalədə:
Xəbər lenti

Xəbər lenti