...

Enerji sahəsində Azərbaycan-Koreya əməkdaşlığı müzakirə edilib

Energetika Materials 26 Aprel 2022 09:47 (UTC +04:00)
Enerji sahəsində Azərbaycan-Koreya əməkdaşlığı müzakirə edilib

Bakı. Trend:

Energetika naziri Pərviz Şahbazov Koreyanın Azərbaycandakı səfiri Li İn-Yonqı qəbul edib.

Nazirlikdən Trend-ə verilən məlumata görə, görüşdə iki ölkə arasında diplomatik əlaqələrin, iqtisadi-ticari münasibətlərin inkişafına toxunulub, energetika sahəsi üzrə əməkdaşlığın mövcud vəziyyəti və gələcək perspektivlərindən bəhs edilib.

Səfir Koreya şirkətlərinin energetika, o cümlədən bərpa olunan enerji mənbələrindən istifadə sahəsində yüksək texnoloji imkanlara və böyük təcrübəyə malik olduğunu və onların Azərbaycanda həyata keçirilən layihələrdə iştiraka maraqlarını bildirib.

Energetika naziri isə ötən il Koreyadan olan yüksək səviyyəli nümayəndə heyətlərinin Bakıya səfərləri zamanı keçirilmiş görüşlərin iki ölkə arasında əlaqələrin inkişafına təkan verdiyini və enerji sektorunda gələcək əməkdaşlıq üçün geniş imkanlar yaratdığını vurğulayıb.

Görüşdə qarşılıqlı maraq doğuran digər məsələlər barədə də fikir mübadiləsi aparılıb.

Məqalədə:
Xəbər lenti

Xəbər lenti