Bakı. Trend:
2023-cü ilin birinci yarısında "Bakı-Tbilisi-Ceyhan" (BTC) üzrə əməliyyat xərclərinə təxminən 59 milyon dollar, əsaslı xərclərə isə 18 milyon dollar vəsait sərf olunub.
Trend bu barədə bp-yə istinadən xəbər verir.
2022-ci ilin birinci yarısında bu göstərici müvafiq olaraq 49 milyon dollar və təqribən 9 milyon dollar olub.
Beləliklə, BTC-də əməliyyat xərclərinin həcmi illik hesablamada 1,2 dəfə, əsaslı xərclər isə iki dəfə artıb.
1768 km uzunluğunda olan BTC boru kəməri 2006-cı ilin iyun ayında istismara veriləndən 2023-cü ilin ikinci rübünün sonunadək bu boru kəməri vasitəsilə ümumilikdə təqribən 546 milyon tondan çox (4,1 milyard barel) xam neft nəql edilib.
BTC Ko.-nun səhmdarları: bp (30,10%), SOCAR (25,00%), MOL (8,90%), Ekvinor (8,71%), TPAO (6,53%), Eni (5,00%), TotalEnergies (5,00%), İTOÇU (3,40%), İNPEKS (2,50%), EksonMobil (2,50%) və ONGCVideş (2,36%) şirkətləridir.
(Tərcümə: Rəna Əbdürəhmanova)
Twitter: @Lyaman_Zeyn