Bakı.Trend:
2025-ci ildə Azərbaycandan İtaliyaya 6,7 milyard ABŞ dolları dəyərində bitumlu süxurlardan əldə edilmiş 13,1 milyon ton xam neft və neft məhsulları ixrac olunub.
Trend bu barədə Dövlət Gömrük Komitəsinə istinadən xəbər verir.
Məlumata görə, 2024-cü ilin müvafiq dövrünün göstəriciləri ilə müqayisədə bu dəyər ifadəsində 26 milyon dollar (0,4 faiz) azdır, həcm baxımından isə 2,2 milyon ton (19,8 faiz) çoxdur.
2024-cü ildə Azərbaycandan İtaliyaya 6,8 milyard dollar dəyərində bitumlu süxurlardan əldə olunmuş 11 milyon ton neft və neft məhsulları ixrac olunmuşdu.
Hesabat dövrü ərzində İtaliya ən çox Azərbaycan nefti idxal edən ölkələr sırasında birinci yeri tutub.
2025-ci ildə Azərbaycandan dünyanın 21 ölkəsinə bitumlu süxurlardan əldə edilən xam neft və neft məhsulları üzrə 23,4 milyon ton həcmində məhsul ixrac olunub. İxracın ümumi dəyəri 12,1 milyard ABŞ dolları təşkil edib.
Bildirilib ki, 2024-cü ilin müvafiq dövrü ilə müqayisədə dəyər ifadəsində göstərici 2,4 milyard ABŞ dolları və ya 16,2% azalıb, lakin fiziki həcm baxımından 215 min ton və ya 0,9% artım qeydə alınıb.
Qeyd olunan məhsulların ixracı 2025-ci ildə ölkənin ümumi ixrac həcminin 48,28%-ni təşkil edib.
Eyni zamanda hesabat dövründə Azərbaycandan 735,8 min ton xam neft (431,9 milyon ABŞ dolları dəyərində) ilə yanaşı, bitumlu süxurlardan əldə edilən neft və neft məhsulları, həmçinin tərkibində kütlə üzrə 70% və daha çox neft və ya neft məhsulları olan məhsullar ixrac edilib.2024-cü illə müqayisədə bu göstərici dəyər ifadəsində 97 milyon ABŞ dolları və ya 29%, fiziki həcmdə isə 198,2 min ton və ya 36,9% artıb.Hesabat dövründə qeyd olunan məhsulların ölkənin ümumi ixracında payı 1,72% təşkil edib.