Cənubi Qafqaz qaz kəmərinin (SCP) Azərbaycana aid hissəsinin mexaniki tikintisi cari ilin sonunadək başa çatdırılacaq. Trend agentliyi bildirir ki, iyulun 15-də layihənin meneceri Karl Sletter bu barədə bəyan edib.
Onun sözlərinə görə, Gürcüstan sahəsinin başa çatdırılması cari ilin sonu- 2006-cı ilin əvvəlinə nəzərdə tutulur. "İyulun 10-da verilən məlumata əsasən, Azərbaycan ərazisində qaz kəmərinin tikintisi 66%, Gürcüstanda 51% başa çatdırılıb.
Ölkənin mürəkkəb relyefi səbəbindən Gürcüstanda tikinti işləri Azərbaycan ilə müqayisədə daha çətin gedir " -deyə K. Sletter qeyd edib.
Layihənin meneceri bildirib ki, Azərbaycan ərazisində 443 km sahədən 386 km məsafədə borular uc-uca düzülüb.Bundan 321 km məsafədə qaynaq işləri aparılıb və 302 km məsafədə boruların üstü torpaqla örtülüb.
Gürcüstan ərazisində 249 km sahədən 215 km məsafədə borular uc-uca düzülüb, 191 km məsafədə qaynaq işləri aparılıb, 116 km məsafədə boruların üstü torpaqla örtülüb.
Ümumilikdə qaz kəmərinin çəkilməsi üzrə tikinti Türkiyə sərhədinədək 68%, Gürcüstan sərhədinədək isə, 53% başa çatdırılıb.
