Bakı-Tbilisi-Ceyhan neft kəmərinə neftin vurulması ilə bağlı bəzi texniki səbəblər üzündən ilk tankerin Ceyhan limanından iyunun 3-də göndəriləcək. Bu barədə, "trend" agentliyinin məlumatına əsasən, jurnalistlərə Azərbaycanın sənaye və energetika naziri Natiq Əliyev xəbər verib.
BP Azerbaijan şirkətindən "Trendə" verilən məlumata əsasən, hazırda Azeri Light neftinin kəmərə vurulması davam edir. "Bir-iki gün ərzinəd bu neft Ceyhan limanına çatacaq. Hazırda ilk neft partiyasının daşınması üçün nəzərdə tutulmuq tanker liman istiqamətində hərəkət edir" - deyə BP şirkətində bildiriblər. İlk partiya ExxonMobil tərəfindən alınıb.
CNN-Turk kanalının məlumatına əsasən, ilk neft partiyasının nəqli üçün The British Hawtharne tankerindən istifadə olunacaq.
BTC neft kəmərinin istismara verilməsi mərasiminin iyulun 13-də Ceyhanda keçirilməsi planlaşdırılır. Burada 16 ölkə rəhbərldiyi iştirak edəcək.
BTC kəmərinin uzunluğu 1 767 km təşkil edir ki, bunun 443 km-i Azərbaycan, 248 km-i - Gürcüstan, 1 076 km-i Türkiyə ərazisinə düşür. Layihənin operatoru olan BP-nin hesablamalarına görə, tikintinin dəyəri təxminən $4 mlrd təşkil edir.
BTC-nin səhmdarları aşağıdakı şirkətlərdir: BP (30,1%), ARDNŞ (25%), Unocal (8,9%), Statoil (8,71%), TPAO (6,53%), Itochu (3,4%), Amerada Hess (2,36%), ENI (5%), ConocoPhillirs (2,5%), Inrex (2,5%), Total (5%).