ARDNŞ "Azərbaycan Meliorasiya və Su Təsərrüfatı" SC-ni Dəvəçidə Taxtakörpü su anbarının tikintisi çərçivəsində Bakı-Novorossiysk neft kəməri və Mozdok-Qazıməmməd qaz kəməri hissələrinin dəyişdirilməsi üçün lazıim olan texniki şəraitlə təmin edib. "Dairəvi hissənin ümumi uzunluğu hər kəmər üzrə 10-12 km. təşkil edəcək" - deyə ARDNŞ-dən qeyd ediblər.
Azərbaycan Mozdok-Qazıməmməd qaz kəmərilə "Qazprom" SC-nin törəmə qurumu olan "Qazeksport"dan aldığı qazı idxal edir.
Onun sözlərinə görə, işlərin müddəti bir həftədən bir aya qədər uzana bilər. "Lakin bu işlərin nə vaxt başlayacağı hələ məlum deyil" - deyə ARDNŞ-in nümayəndəsi vurğulayıb.
İlk yarım ildə Azərbaycan Bakı-Novorossiysk kəmərilə 2,35 mln. ton neft nəql edib. 346 min ton ARDNŞ-in və 2 mln. ton ABƏŞ-in payına düşüb. 1 ton neftin nəqli üzrə tarif $15,67 təşkil edir.
Yanvar-iyun aylarında "Qazeksport" Azərbaycana 2,32 mlrd. m3 qaz qaz çatdırıb (ötən ilin müvafiq dövründə 2,6 mlrd.m3 qaz). Cari ildə ARDNŞ "Qazeksport"dan 1 min kub metr qaza görə $110 qiymətilə təxminən 4,5 mlrd. m3 qaz almağı planlaşdırır.