...

TPAO Azərbaycanda neft sektoru xidmətləri sahəsində işləmək niyyətindədir

Energetika Materials 28 İyul 2006 19:34 (UTC +04:00)

Türkiyənin TPAO şirkəti Azərbaycanda neft sektoru xidmətləri sahəsində fəaliyyət göstərmək niyyətini bildirib. Bu barədə Trend ə Türkiyənin dövlət naziri Mehmet Aydın xəbər verib.

TPAO şirkətinin tikinti və təchizat sahəsində Azərbaycanın neft bazarına daxil olmaq barədə planları var. "Bununla əlaqədar ARDNŞ ilə danışıqlar aparılmalıdır" - deyə o vurğulayıb.

Onun sözlərinə görə, bu məsələ İqtisadi Əməkdaşlıq üzrə Azərbaycan-Türkiyə Hökumətlərarası Komissiyasının bu həftə keçirilmiş iclasında müzakirə olunub.

Dövlət naziri deyib ki, TPAO-nun Azərbaycan iqtisadiyyatına investisiyaları $2,2 mlrd. təşkil edib.

TPAO-nun məlumatına əsasən, 2005-ci ildə Azərbaycan neft-qaz layihələri çərçivəsində ümumi investisiyalar $545,04 mln. təşkil edib. TPAO "Azəri-Çıraq-Günəşli" yataqlarının işlənilməsi layihəsindəki 6,8%-lik payının və ARDNŞ-nin 10%-lik payının ödənilməsinə $357,31 mln, "Şah-Dəniz" layihəsinə - $82,17 mln., Cənubi Qafqaz qaz kəmərinin tikintisinə - $25,38 mln., "Araz-Alov-Şərq" layihəsinə - $118,3 min, "Kürdaşı" - $17,7 min, BTC layihəsinə - $79,35 mln., əməliyyat xərclərinə isə - $687 min sərf edib.

Xəbər lenti

Xəbər lenti