...

Azərbaycan BTC ilə nəql etmək üçün Qazaxıstan neftini qəbul etməyə hazır olduğunu bəyan edib

Energetika Materials 29 Avqust 2006 21:00 (UTC +04:00)

Trend-i buradan izləyin

Hazırda Azərbaycan BTC neft kəməri ilə nəql etmək üçün Qazaxıstan neftini qəbul etməyə tam hazırdır. Bu barədə Trend ə ARDNŞ-dən məlumat verilib.

"Bizdə Qazaxıstan neftini Bakıda qəbul etmək üçün hər şey hazırdır. Nəql haqqında saziş üzrə danışıqlar Qazaxıstandan asılıdır. Qazaxıstan tərəfi bu danışıqları potensial sərmayədarlarla aparmalıdır. Əgər Kaşaqan nefti ilə yüklənmiş tanker Bakı limanına gələrsə, bizdə onun qəbulu üçün hər şey hazırdır", - deyə ARDNŞ-dən bildirilib.

Qazaxıstanda Tengiz Şevroyl şirkətinin "Tengiz" yatağından hasil etdiyi neftin BTC boru kəməri ilə mümükn nəqli məsələsinə gəlincə, ARDNŞ-dən bildirilib ki, hələlik bu məsələyə dair saziş bağlanmayıb.

"Şirkət ildə təxminən 3 mln ton neft nəql etmək niyyətindədir. Əgər TengizŞevroyl, məsələn, 10 il müddətinə müqavilə bağlayarsa, 2008-ci ildə isə bizim ildə 50 mln ton neft istehsal edəcəyimizlə əlaqədar BTC-də yer olmasa, biz "Tengiz"in neftini ora buraxmayacağıq. Ancaq bizim alternativ marşrutlarımız var. Bakı-Supsa qərb boru kəməri marşrutu buna misal ola bilər", - deyə ARDNŞ-dən bildirilib.

Xəbər lenti

Xəbər lenti