Operatoru BP olan BTC Türkiyədə Ceyhan terminalında 100-cü gəminin neftlə yüklənməsini qeyd edib. "Knock Sheen" adlanan yüzüncü tankerə bir milyon bareldən çox neft yüklənmihdir və neftin yüklənməsi 26 saat çəkib.
Son bir neçə gündə BTC bir sıra digər nailiyyətlər əldə edib. bazar ertəsi, fevralın 5-də 600.000 bareldən çox neft ixrac edib ki, bu da indiyədək ən yüksək gündəlik məhsuldarlıqdır; eləcə də bu yaxınlarda Ceyhan terminalına iki milyon barel tutuma malik ilk tankeri yan alıb.
"Boru kəməri qrupu tərəfindən son bir neçə gündə əldə olunmuş bu qeyri-adi nailiyyətlər təsdiq edir ki, BTC durmadan öz qarşısına qoyduğu məqsədə - Xəzərdən dünya bazarlarına gündə bir milyon barel neft ixrac edən boru kəməri olmağa doğru irəliləyir. Dünən nail olduğumuz 600.000 barel gündəlik həcmlə biz bu məqsədə doğru qətiyyətli irəliləyş edirik. Mən öz təbriklərimi çatdırmaq və göstərdiyi səylər bu uğurun əldə olunmasına əsas verən hər kəsə təşəkkür etmək istəyirəm", deyə BTC-nin direktoru və BP-nin qurudakı istismar əməliyyatları üzrə vitse-prezidenti Rəşid Cavanşir bildirib.
Keçən ilin may ayının axırında boru kəmərinin neftlə doldurulması tamamlanandan bəri kəmərin obyektləri və nasos stansiyaları işə salındıqca BTC-nin ötürücülük gücü ardıcıl olaraq artıb. 2006-cı ilin iyun ayında Ceyhandan neftlə yüklənmiş ilk tanker yola salınandan bəri BTC ilə 73 milyon barel (9,8 ton) xam neft ixrac olunub. Bu boru kəməri ilə hazırkı neft ixracı nəzərdə tutulan göstərricini qabaqlayır və kəmər 2008-ci ilin sonunda gündə bir milyon barel (ildə təqribən 50 milyon ton) neft ötürmək planını qoruyub saxlayır.
Bu boru kəməri ilə ilkin olaraq yalnəz Azəri-Çıraq-Günəşli nefti daşınsa da, Şahdəniz yatağından əldə olunmuş ilk kondensat bu ilin yanvar ayında bu boru xəttinə vurulub. Gözlənilir ki, gələcək həcmlər 2007-ci ilin sonunda Xəzərin o biri sahilindən gəlməsi mümkün olan həcmləri əhatə edəcək.
BTC Ko.-nun səhmdarları: BP (30,1%); AzBTC (25%); Chevron (8,90%); Statoil (8,71%); TPAO (6,53%); ENI (5%); Total (5%), İtoçu (3,40%); İNPEKS (2,50%), KonokoFillips (2,50%) və Amerada Hess (2,36%) şirkətləridir.
