Azərbaycan,Bakı/müxbir Trend S.Əliyev/2007-ci ilin yanvar-fevralında Azərbaycan Dövlət Neft Şirkəti (ADNŞ), əməliyyat şirkətləri (ƏŞ) və birgə müəssisələr (BM) ölkənin offşor və onşor yataqlarından 1443,86 min ton neft əldə edib, bu da 2006-cı ilin analoji dövrü ilə müqayisədə 14,37 min ton (və ya 01 faiz) azdır. Bu barədə ADNŞ-dən məlumat verilib.
ADNŞ-in neft-qaz istehsalı idarələri tərəfindən 2007-ci ilin yanvar-fevral aylarında dəniz və quruda neft hasilatı 1251,73 min ton təşkil edib, bu da ötən 2006-cı il göstəricisindən 23,11 min ton (və ya 1,8 faiz) azdır.
Yanvar-fevral aylarında BM və ƏŞ çərçivəsində xarici işirkətlər 192,13 min ton istehsal edib, bu da 2006-cı ilin yanvar-fevralından 8,74 min ton (və ya 4,8 faiz) çoxdur.
Bu ilin yanvar-fevral ayında Azərbaycanda ümumi qaz hasilatı 1393,96 mln. kub metr təşkil edib, bu da 2006-cı ilin analoji dövründən 326,40 mln. kub metr (və ya 30,6 faiz) çoxdur.
ADNŞ-in neft-qaz istehsalı idarələrinin payına 852,6 mln. kub metr qaz düşüb, bu da 2006-cı ilin yanvar-fevral ayından 231,61 mln. kub metr (və ya 37,3 faiz) çoxdur. BM və ƏŞ bu dövr ərzində 20,98 mln. kub metr qaz hasil edib, bu da 2006-cı ilin analoji dövründən 0,43 mln. kub metr (və ya 1,9 faiz) azdır.
Azərbaycan Beynəlxalq Əməliyyat Şirkəti (ABƏŞ) "Azəri-Çıraq-Günəşli" yatağında 2007-ci ilin yanvar-fevralında ADNŞ üçün 463,41 mln. kub metr səmt qazı hasil edib, bu da 2006-cı ilin yanvar-fevral göstəricisindən 38,22 mln. kub metr (və ya 9 faiz) çoxdur.
Azərbaycanda 57 neft-qaz yatağı var ki, bunun da 18-i dənizdə, qalanı isə quruda yerləşir. ADNŞ-in əməkdaşları ştatı bu gün 59 170 nəfər təşkil edir.
2007-ci ilin yanvar-fevral aylarında Azərbaycanda neft və qaz hasilatı cədvəli aşağıdakı kimidir:
Neft(min. ton) | Fevral | Yanvar - fevral | ||
2007 | 2007 | 2006 | % | |
Ümumi | 684,54 | 1443,86 | 1458,23 | 99,0 |
ADNŞ neft-qaz istehsal edən zavodları | 593,77 | 1251,73 | 1274,84 | 98,2 |
BM və ƏŞ | 90,77 | 192,13 | 183,39 | 104,8 |
Qaz(mln. m3) | ||||
Ümumi | 681,44 | 1393,96 | 1067,56 | 130,6 |
ADNŞ neft-qaz istehsal edən zavodları | 403,08 | 852,60 | 620,99 | 137,3 |
BM və ƏŞ | 9,86 | 20,98 | 21,38 | 98,1 |
ABƏŞ (ADNŞ üçün) | 225,40 | 463,41 | 425,19 | 109,0 |