Azərbaycan, Bakı/ Trend müxbir İ.Xəlilova/ Azərbaycan məhkəməsinin qərarı ilə "Azərbaycan qaz emalı zavodu" SC-nin (AzQEM) səhmlərinin 15 faizinin onun əmək kollektivinə güzəştli satışı ilə bağlı qapalı yazılışın nəticələri ləğv olunub. Bu barədə məlumat çərşənbə günü Dövlət Əmlakının İdarə olunması üzrə Dövlət Komitəsindən verilib.
"Nəzərə alınsa ki, çeklər Dövlət Komitəsinə verildikdən sonra silinirlər, onlar işçilərə qaytarıla bilməzdilər", - deyə komitədən bildiriblər.
Bu hərrac vasitəlsilə özəlləşdirmə çekləri müqabilində müəssisənin əmək kollektivinə təqdim olunan 15 faiz səhmin 12,86 faizi verilib.
Dövlət komitəsindən qeyd ediblər ki, məhkəmənin qərarı ilə səhmlər pulsuz olaraq sahibinə - AzQEM-ə qaytarılıb. Bunun səbəbi hökumətin artıq bir neçə dəfə investisya müsabiqəsinə çıxarılmış zavodun özəlləşdirməsindən imtina etməsi və onun əvvəlki sahibi -Azərbaycan Dövlət Neft Şirkətinə qaytarılması olub.
Zavodun emal gücünün illik 6 mlrd. kubmetrə qədər artırılması planlaşdırılır.
Azərbaycan qaz emal zavodu 1961-ci ildə istismara üverilib. 6 qaz emalı qurğusundan başqa, qaz-kondensat emalı qurğusu (illik 675 min ton gücündə) və qeyri-stabil benzin qarışığı qurğusu quraşdırılıb (illik 600 mnin ton gücündə). Zavoddakı texnologiya maye qaz, ağ neft qarışığı (qaz emalı qurğusu üçün reagent), ağır kondensat (neft emalı zavodu üçün xammal) və qaz benzini (Sumqayıt neft-kimya kompleksi üçün xammal) almaq mümkündür.
Əvvəlcə AzQEM-ə qaz və kondensat Qaradağ yatağından verilirdi. Daha sonra xammal axınına Azərbaycanın dəniz neftçilərinin hasil etdiyi təbii və dəm qazı əlavə olundu.