Bakı. Eldar Canaşvili - Trend:
Yaxın zamanlarda Azərbaycanın maliyyə bazarlarında yeni iştirakçılarının fəaliyyətinin vahid mexanizm vasitəsilə tənzimlənəcəyi gözlənilir.
Trend-in məlumatına görə, bunu Azərbaycan Banklar Assosiasiyasının sədri Zakir Nuriyev “Azərbaycanda mikromaliyyələşmənin inkişafı” adlı investisiya yarmarkasında çıxışı zamanı deyib.
Onun sözlərinə görə, bu tədbirlər çərçivəsində müvafiq qanun layihəsinin qəbul olunması gözlənilir.
Z.Nuriyev bildirib ki, son illərdə Azərbaycanın maliyyə bazarlarında “FinTech” şirkəti kimi yeni iştirakçıların peyda olduğunu nəzərə alsaq, onların fəaliyyətinin nizamlanmasına böyük zərurət var.