Azərbaycan, Bakı, 30 mart / Trend , müxbir S.Babayeva/ Azərbaycan rabitə və informasiya texnologiyaları nazirliyi tələbələrin İTixtisası üzrə təhsil alması üçün ali məktəblərin sayını artırmağı planlaşdırır. Nazirliyin verdiyi məlumata görə, Şimali Kipr Türk Respublikasının Yakın Dogu Universitetinin fəaliyyəti ilə tanışlıq və növbəti əməkdaşlıq məqsədilə nazirliyin nümayəndə heyəti martın sonunda bu ölkəyə səfər edib.
"Onlar Yakın Dogu Universitetində görüş keçirib, kommunikasiya, mühəndislik, gəmiçilik fakultəsinin elmi laboratoriyaları, maddi-texniki bazası, dərs proqramı ilə tanış olublar.", - Rabitə nazirliyinin məlumatında deyilir.
Rabitə nazirliyində bildirilir ki, universitetdə 55 mln.-dan çox elektron mənbəyi (jurnallar, kitablar), 500 mindən çox yazılı dərs vəsaiti və kitabı olan sutkalıq kitabxana fəaliyət göstərir.
Onun yaxınlığında Ali məktəbdə 12 Tflops hesablama gücündə Superkompüter mərkəzi yaradılıb və onun genişləndirilməsi və İnnovasiya Mərkəzinə çevrilməsi sahəsində işlər aparılır.
Türk alimlərinin bu mərkəzə çıxışının təmin olunması üçün universitetlərlə TUBİTAK arasında ayrılmış xəttin çəkilməsi planlaşdırılır (The Scientific & Technological Research Council of Turkey - Türkiyənin elmi texniki tədqiqat şurası). Universitetdə internet şəbəkəsinə qoşulma sürəti 30 Mbit/s təşkil edir.
Nazirlikdən məlumat verilib ki, nümayəndə heyəti informasiya-kommunikasiya texnologiyası sahəsində kadrların hazırlanması perspektivi üzrə universitet rəhbərliyi ilə danışıqlar aparıb.
Bu gün Azərbaycan Rabitə nazirliyinin Kaliforniya Universiteti, Corc Meyson Universiteti, San-Xose Dövlət Universiteti, Heterburqda yerləşən Çalmers Texnoloji Unversitetinin nəzdində olan İnformasiya Texnologiyaları Universiteti, Asiya Texnologiya institutu (Tailand), Odessa Rabitə Akademiyası, Koreya perspektivli elmi tədqiqatlar və texnologiyalar institutu kimi təhsil ocaqları ilə əlaqələri vardır.
