Azərbaycan, Bakı, 04 aprel / Trend , müxbir S.Babayeva/ Azərbaycan Rabitə və İnformasiya Texnologiyaları Nazirliyinin "Aztelekom" Birgə Müəssisəsi (BM) və "Komplas" şirkəti ölkə regionlarında universal çoxməqsədli NGN şəbəkəsinin quraşdırılması üçün optimal avadanlıqlar müəyyən edir. Bu barədə BM-nin texniki direktoru Zahir Vəliyev məlumt verib.
"Komplas" şirkəti Gəncə, Sumqayıt və Abşerondakı şəbəkələrdə NGN-nin quraşdırılması üçün keçirilən tenderin qalibi olub.
"Bu məsələnin həllindən sonra, BM və şirkət müqavilə bağlayacaq" - deyə "Aztelekom"un texniki direktoru bildirib.
Quraşdırılması planlaşdırılan şəbəkənin əsas tələbləri açıq platforma arxitekturasının mövcudluğu, yəni yeni xidmətlər üçün istənilən zaman protokolların tətbiq edilmə imkanlarından ibarətdir.
"Aztelekom" adıçəkilən regionlarda NGN xidmətlərini ilin sonuna qədər tətbiq etməyi planlaşdırır.
Əvvəllər analoji şəbəkə Sloveniyanın "Iskratel" şirkəti tərəfindən Şamaxıda və rayonun 23 kəndində quraşdırılaraq istifadəyə verilib. Onun tətbiqindən sonra bütün region sakinləri İP telefoniya, İnternet, televiziya və xitmətlər-bazası xidmətlərindən istifadə etmək imkanı əldə ediblər.
NGN (Gələcək nəsil şəbəkəsi) nitq, təsvir və kommutasiya paketlərindən istifadə ilə məlumatların ötürülməsi üçün təyin edilmiş çoxməqsədli şəbəkədən ibarətdir. NGN şəbəkəsi telekommunikasiya trafikləri üzrə müxtəlif növlər üçün lazımi xidmət keyfiyyətini təmin edir. Yuxarıda göstərilən texnologiyaların tətbiqi abunəçilərə VoIP-telefoniya, səsli poçt, məlumat ötürmə xidməti, multimedia xidmətləri, virtual xüsusi şəbəkə, məlumatların unifikasiya edilmiş mübadiləsi, məlumatların ani mübadiləsi, interaktiv nitq cavabı sistemi üzrə xidmət, interaktiv oyunlar, video konfrans və ev meneceri kimi xidmətlərdən istifadə etmək imkanı verəcək.
Müəlliflə əlaqə saxlamaq üçün elektron ünvan : [email protected]
