Azərbaycan, Bakı, 23 iyun / Trend , müxbir S.Babayeva / Azərbaycan Rabitə Nazirliyi Regional İnnovasiya Zonasının (RİZ) yaradılması üzrə təklifləri müzakirə etməyə hazırlaşır. Bu barədə bazar ertəsi "Bioinformatika: nailiyyətlər və tətbiqlər" iki günlük beynəlxalq konfransın açılışında nazir Əli Abbasov bildirib.
"XXI əsrin əvvəllərində təbii resurslardan yüksək texnologiyalara keçidinə başlayan Azərbaycan iqtisadiyyatı üçün nanotexnologiya, biotexnologiya və informasiya texnologiyaların inkişafı başlıca məqsədlərdən biridir. Regional İnnovasiya Zonasının yaradılması hökumətin bu istiqamətdə atdığı ən mühim addımdır", - deyə o bildirib.
Nazirin sözlərinə görə, RİZ istehsal, istehlak və məhsul ixracı ilə məşğul olan özəl, dövlət, qeyri-hökumət, yerli və əcnəbi şirkətlər monetar, fiskal, dəyər və digər əlverişli mühitlərin yaradılmasını nəzərdə tutur. Bütün bunlar yüksək texnologiya və xidmətin istifadəsini tələb edir.
RİZ çərçivəsində, tədris və tədqiqat mərkəzlərinin, həmçinin, Beynəlxalq İnformasiya Texnologiyaları Universiteti, laboratoriyalar, innovasiya və tədqiqat mərkəzlərinin, innovasiyalı kiçik və orta sahibkarlığın yaradılması planlaşdırılır. Sonuncular əlverişli şərait və dövlət dəstəyi ilə təmin olunacaq.
Nazir bildirib ki, elmi-tədqiqat işlərinə yerli elmi potensial ilə bərabər, əcnəbi insan resurslarının, həmçinin, innovasiya məhsul və xidmətlərinin regional bazara çıxarılmasını asanlaşdırmaq RİZ - in əsas fərqləndirici xüsusiyyətlərindən biridir. "Belə yanaşmada bazar iqtisadiyyatı şəraitində tədris, elm və iqtisadiyyat arasında əlaqələrin bərpası əsas məqsəddir. Bu işdə bizə məhşur alimlərin, əcnəbi mütəxəssislərin və beynəlxalq nümayəndələrin dəstəyi lazımdır", - deyə Abbasov hesab edir.
Rabitə Nazirliyində hesab edirlər ki, yeni lahiyə 2012-ci ildə ölkədə rabitə sahəsində gəlirləri $4 mlrd.- çatdıra bilər, 2018-2020 -ci illərdə bu rəqəm, neft gəlirlərinin səviyyəsinə çataraq, $10-12 mlrd. və gələcəkdə daha çox arta bilər.
