Azərbaycan, Bakı, 10 dekabr/ Trend , müxbir S.Babayeva/"Maliyyə böhranı Azərbaycanın rabitə və informasiya texnologiyaları sahəsinə yatırılan sərmayələrin yatırılmasına təsir göstərməyib", - Azərbaycanın rabitə və informasiya texnologiyaları nazirinin müavini Elmir Vəlizadə çərşənbə günü Xəzər İnteqrasiya İşgüzar Klubunun üzvləri ilə görüşdə bildirib.
"Əvvəllər olduğu kimi, informasiya texnologiyaları sahəsi sərmayədarlar üçün cəlbedicidir və iri şirkətlər tərəfindən böyük inkişaf potensialı olan sahə kimi qiymətləndirilir", - Vəlizadə deyib.
Dövlət Statistika Komitəsinin məlumatlarına əsasən, yanvar-oktyabr ərzində Azərbaycanın rabitə və informasiya texnologiyaları sahəsinə 132,4 mln. manat (2007-ci ilin eyni dövrünün göstəricilərindən 29,2 faiz çox) və ya ölkə iqtisadiyyatına yatırılan sərmayələrin ümumi həcminin 1,8 faizi qədər vəsait yatırılıb.
