Azərbaycan, Bakı, 18 avqust / Trend , müxbir H.Vəliyev /
WiMAX texnologiyası ilə internetə simsiz giriş xidməti göstərən AZQTEL şirkəti Mərdəkan qəsəbəsində baza stansiyasının quraşdırılması işini başa çatdırıb. Bu barədə Trend -a şirkətdən məlumat verilib.
Şirkətdən bildirildiyi kimi, yeni baza stansiyasının quraşdırılması bu ərazidə və bura yaxın yaşayış məntəqələrində radioörtüklərin təmin edilməsinə imkan verəcək. Sürət və keyfiyyət siqnalın gücündən və baza stansiyasına qədər məsafədən asılı olacaq. Bu gün WiMAX şəbəkəsi paytaxtın əhəmiyyətli ərazilərini əhatə edir.
WiMAX texnologiyası İnternet şəbəkəsinə simmetrik simsiz genişzolaqlı radiogirişin təşkilinə, eləcə də orta və alçaq tikililərdə simli ADSL girişinə, yaxud da digər girişlərə qoşulmaq mümkün olmayan rayonlarda bölünmüş lokal şəbəkələrin qurulmasına istiqamətləndirilib.
WiMAX şəbəkələri mobil rabitə şəbəkələrindəki prinsiplərə əsaslanır. Lakin onlardan fərqli olaraq, WiMAX baza stansiyası buraxılış gücü ilə 30 km-dən çox radiuslu ərazidə genişzolaqlı rabitəni təmin edir. Bunu kabellə qoşulma ilə - 100 Mbit/san. ilə müqayisə etmək olar.
Məqalə müəllifi ilə əlaqə ünvanı: [email protected]