Azərbaycan, Bakı, 25 avqust / Trend , Q.Vəliyev /
Rabitə və İnformasiya Texnologiyaları Nazirliyinin nümayəndə heyəti "Gələcək nəsil şəbəkələri (NGN) və genişzolaqlı rabitə, imkanlar və vəzifələr" mövzusunda Beynəlxalq Elektron Rabitə İttifaqının Avropa və MDB regionu üçün elektron rabitə sektorunun inkişafı üzrə Kişinyovda (avqustun 24-26-da) keçiriləcək regional forumun işində iştirak edir, bu barədə nazirliyin məlumatında deyilir.
Nazirliyin məlumatına əsasən, Azərbaycanı sözügedən tədbirdə Rabitə və İnformasiya Texnologiyaları Nazirliyinin İnformasiya cəmiyyətinin inkişafı şöbəsinin müdiri Rüfət Gülməmmədov və "Aztelekom" İB-nin baş direktorunun müavini Mehman Həsənov təmsil edəcək.
Tədbir çərçivəsində yeni nəsil şəbəkələri (NGN) və genişzolaqlı giriş (Broadband) ilə əlaqəli məsələlər, həmçinin sözügedən texnologiyaların inkişafda olan ölkələrdə rəqəmsal partlayışın azalması prosesində rolu məsələsi öyrəniləcək.
Forum iştirakçıları MDB və Avropa zonasında NGN və genişzolaqlı kommunikasiya texnologiyalarının inkişafının stimullaşdırılması üsullarını müəyyən edir. Mütəxəssislər ITU0-nun regional səviyyədə inkişafı istiqamətlərini, həmçinin yeni telekommunikasiya texnologiyalarının inkişafı ilə əlaqədar məsələləri müzakirə edir.
Tədbir çərçivəsində yeni rəqəmsal texnologiyaların işlənib hazırlanması, onların bütün fəaliyyət sahələrində tətbiqi, həmçinin Avropa və MDB-nin üzv dövlətlərində rəqəmsal xidmətlərin inkişafına həsr olunmuş iclaslar keçiriləcək.
İclaslardan birində "Şəbəkə istifadəçisi" interfeysi " (User-to-Network Interface) müzakirə ediləcək. Onun əsasında telekommunikasiya xidmətləri təqdim edilir.
Həmçinin forum çərçivəsində NGN və genişzolaqlı rabitə texnologiyalarının tətbiqi prosesində nizamlama üzrə agentliyin qarşılaşdığı proseslərin nizamlanması aspektləri nəzərdən keçiriləcək. Simsiz genişzolaqlı şəbəkələrin tətbiqi zamanı yaranan problemlər və imkanlar da müzakirə ediləcək.
Sonda MDB və Avropa ölkələrində NGN və genişzolaqlı rabitə texnologiyalarının inkişaf təcrübəsinin öyrənilməsi yekunlaşdırılacaq.
Məqalə müəllifi ilə əlaqə ünvanı: [email protected]
