Azərbaycan, Bakı, 23 sentyabr / Trend , müxbir H.Vəliyev /
"Azərbaycan Dəmir Yolları" QSC Ağstafa stansiyasının kassalarında qatar biletlərinin Online satış sistemini tətbiq edib, QSC-nin mətbuat xidməti xəbər verir.
Hazırda Böyük-Kəsik, Zəyəm, Dəllər və Şəmkir stansiyalarının kassalarında biletlərin satışı üçün kompyuter şəbəkəsinə qoşulma üzrə işlər həyata keçirilir.
Hazırda avtomatlaşdırılmış satış sisteminə Mərdəkan, Lökbatan, Biləcəri qəsəbələri, Sumqayıt, Xaçmaz, Xudat, Dəvəçi və Gəncə şəhərlərindəki satış məntəqələri qoşulub.
Biletlərin satış məntəqələrində terminallar quraşdırılır, onların üzərindən biletlərin ödənişi həyata keçirilir. Terminal üzərindən kassir online rejimdə sərnişin üçün gediş variantlarını seçir və dəmiryolu gediş sənədlərinin sifariş blankını tərtib edir.
Müəssisənin gələcək planlarına lokal sistemin Rusiya şəbəkəsinə qoşulması daxildir ki, bu da sərnişinlərə Rusiya daxili dəmiryolu nəqliyyatına bilet almağa imkan verir.
Eyni zamanda QSC-nin internet resursu vasitəsilə biletlərin Online rejimdə qabaqcadan ayrılması imkanı da nəzərdən keçirilir.
Məqalə müəllifi ilə əlaqə ünvanı: [email protected]
