Azərbaycan, Bakı, 12 mart /Trend, müxbir H.Vəliyev/
Azərbaycan Dövlət Gömrük Komitəsi mobil telefonların qaçaqmalçılıq yolu ilə ölkəyə gətirilən partiyasını müsadirə edib. Bu barədə şənbə günü komitənin məlumatında deyilir.
Malın Azərbaycana Bakı-Dubay aviareysi ilə gətirilməsinə cəhd edilib.
Gömrük əməkdaşlarının həyata keçirdikləri əməliyyat nəticəsində Samsung markalı 35 mobil telefon və onların aksesuarları (qarniturlar, enerjidoldurma qurğuları, USB-kabellər və s.) aşkar edilərək götürülüb.
Qaçaqmal telefonlar televizorda gizlədilib. Yük dövlət sərhədindən keçərkən müvafiq sənədlərə malik olmayıb.
Qaçaqmal yükü anbarda yerləşdirilib, ekspertiza aparılır.