Azərbaycan, Bakı, 6 iyul /Trend, müxbir H.Vəliyev/
"RBC Group Azerbaijan" şirkəti Bank of Baku-da avtomatlaşdırılmış maliyyə və təsərrüfat idarəçiliyi sistemini tətbiq edib. Trend-in məlumatına görə, bu barədə çərşənbə günü şirkətin yaydığı məlumatda deyilir.
Infor FMS Fixed Assets-in həlləri məhsulun bir neçə analoji sistemlərinin təhlilinin nəticələrinə görə bank tərəfindən seçilib. Həllərin seçilməsində əsas kriteriya funksionallıq, qiymət və miqyaslıqla yanaşı, məhsulun Azərbaycan bazarına tam uyğunlaşması da olub.
Infor FMS Sun Systems sistemi hazırda Azərbaycanın aparıcı banklarında tətbiq edilib.
Infor FMS Sun Systems-in əsas vəsaitlərinin uçotu üçün modul bütün əsas vəsaitlər, eləcə də qeyri-maddi aktivlər və aşağı qiymətli və tez xarab olan əşyalar üzrə ətraflı məlumatı aparmağa imkan verir. Əsas vəsaitlərin tam və ətraflı uçotu üçün modul hər bir əsas vəsait üçün 10-dək kateqoriya analitikindən istifadəyə imkan verir.
