Azərbaycan, Bakı, 22 may /Trend, müxbir H.Vəliyev/
Azərbaycan Prezidenti yanında Dövlət Qulluğu Məsələləri üzrə Komissiya Dövlət Qulluqçularının Reyestri İnformasiya Sisteminin (DQRİS) yenidən qurulması, sənəd dövriyyəsi və elektron xidmətlərin yaradılması üzrə proqram təminatının satınalınması üzrə açıq tender elan edib. Trend-in məlumatına görə, bu barədə çərşənbə axşamı tender komissiyasının rəsmi mətbuatda dərc edilən məlumatında deyilir.
Tenderdə iştirak haqqı 1000 manat təşkil edir.
İştirakçıların təklifləri 5 iyul saat 17:00-dək komissiyanın binasında qəbul edilir. Təklif zərfləri 6 iyul saat 11:00-da açılacaq.
Əlavə məlumat üçün: 465-87-93 (daxili 204). Əlaqələndirici şəxs: Vüsal Həmidov.
