Azərbaycan, Bakı, 21 avqust /Trend, müxbir H.Vəliyev/
Rabitə və İnromasiya Texnologiyaları Nazirliyinin "Teleradio" İstehsalat Birliyi (İB) yaxın üç ay ərzində Azərbaycanın 20 rayonunda rəqəmsal TV ötürücülər işə salmağı planlaşdırır. Bu barədə Trend-ə İB-dən bildirilib.
Hazırda nazirliyin Dövlət Radiotezliklər İdarəsi (DRİ) Azərbaycanın rayonlarında rəqəmsal TV və FM radiolarının yayım siqnallarının səviyyəsinin ölçülməsi işlərini həyata keçirir.
İB-dən bildirilib ki, hər bir stansiyanın əhatə dairəsi haqqında məlumat o cümlədən, yayımlanan siqnalların hansı ərazilərdə artırılmasına dair tövsiyələr "Teleradio" İB-nə təqdim olunacaq. DRİ-dən alınan məlumatlar əsasında gələcəkdə ölkənin rayonlarında quraşdırılacaq ötürücülərin yeri müəyyənləşdiriləcək.