Baki Telefon Rabitəsi (BTRİB) köhnə 461/62/63, 468/69/60 ATS-lərin bərpası üzrə işləri başa çatdırmaq üzrədir. Bu barədə Trend ə İB-dən xəbər veriblər.
Hər bir stansiyanın nömrə tutumu 20 mindən çoxdur. Bu stansiyalar NGN (Next Generation Network) texnologiyasına uyğun müasirləşdiriləcək.
468/69/60 ATS-in barpası yaxın vaxtlarda başa çatacaq, 468/69/60 ATS-in bərpasını isə sentyabra qədər həyata keçirmək planlaşdırılır.
İndiyə qədər müəssisə artıq 464/465/67 ATS-i bərpa edib. Elektronlaşdırma zamanı "4" indeksi "5" ilə əvəz edilir.
Bu istiqamətdə görülən işlərin növbəti mərhələsində 471/472/473 və 474/475/476, eləcə də 438, 494, 423 ATS-lərin bərpası nəzərdə tutulub. Burada ümümi nömrə tutumu 70 mindən çoxdur. Paytaxtda bütün şəbəkənin elektronlaşdırılması üzrə işlər 2007-ci ilin ortalarına qədər tamamlanmalıdır. Hazırda Bakı rabitəsinin 70%-i elektronlaşdırılıb.
Bu tədbirlər Azərbaycanda informasiya-kommunikasiya texnologiyalarının inkişafı üzrə dövlət proqramına (2004-2008-ci illər) uyğun həyata keçirilir.