Azərbaycanın rabitə və informasiya texnologiyaları naziri noyabrın 6-dan 24-dək Türkiyədə keçirilən Beynəlxalq Elektron Rabitə İttifaqının 17-ci səlahiyyətli Konfransının (International Telecommunication Union) işində iştirakını başa vurub. Nazirlikdən Trend ə verilən məlumata görə, bu gündən etibarən Azərbaycanı konfransda nazirliyin beynəlxalq münasibətlər və qeyri-hökumət təşkilatları ilə iş üzrə şöbəsinin müdiri Ayaz Bayramov, hüquq və kadr şöbəsinin rəhbəri Bəxtiyar Məmmədov və "Milli elektron idarəetmə şəbəkəsi təşəbbüsü" (National E-Governance Network Initiative) layihəsinin rəhbəri İlyas Naibov-Əylisli təmsil edir.
"Hazırda Azərbaycan namizədliyini irəli sürdüyü Beynəlxalq Elektron Rabitə İttifaqı Şurasına seçkiləri gözləyir", - deyə nazirlikdən qeyd olunub.
Səlahiyyətli konfrans Beynəlxalq Elektron Rabitə İttifaqının ali orqanıdır və siyasətin işlənməsinə görə məsuldur. 4 ildə bir dəfə çağırılan iclasda təşkilatın ümumi siyasəti müəyyən olunur, 4 illik strateji və maliyyə planları qəbul edilir.