Qazaxıstan Respublikasının Prezidenti Nursultan Nazarbayev cümə günü Marat Tajinin xarici işlər naziri vəzifəsindən azad edilərək prezident köməkçisi - Təhlükəsizlik Şurasının katibi təyin olunması barədə fərman verib. Məlumatı QazTaq yayıb.
49 yaşlı Tajin əvvəllər Strateji Tədqiqat və Analizlər Mərkəzinin sədri, milli təhlükəsizlik üzrə prezident köməkçisi, Milli Təhlükəsizlik Komitəsinin sədri, Qazaxıstanın Təhlükəsizlik Şurasının katibi, 2007-ci ilin yanvarından isə xarici işlər naziri vəzifəsində işləyib.
