Azərbaycan, Bakı, 31 may /Trend/
İranın İsfahan şəhərində Vətənpur adına Hərbi Hava Qüvvələri bazasında AH-1 Kobra vertolyotu qəzaya uğrayıb. Qəza nəticəsində vertolyotun pilotu və onun köməkçisi həlak olub. Bu barədə Trend İranın FARS xəbər agentliyinə istinadən məlumat verir.
Vertolyot dünən günorta saatlarında təlim zamanı qəzaya uğrayıb. İlkin məlumata görə, hadisəyə vertolyotda yaranan nasazılıq səbəb olub. Hazırda qəzanın dəqiq səbəbləri araşdırılır.