...

Sabiqlər dövlət naminə razılığa gəldilər

Dünya xəbərləri Materials 7 Noyabr 2014 18:22 (UTC +04:00)
Gürcüstanın keçmiş müdafiə naziri İrakli Alasaniya sabiq Baş nazir Bidzina İvanişvili ilə görüşdüyünü təsdiq edib.
Sabiqlər dövlət naminə razılığa gəldilər

Gürcüstan, Tbilisi, 7 noyabr /Trend, müxbir Nana Kirsxaliya/

Gürcüstanın keçmiş müdafiə naziri İrakli Alasaniya sabiq Baş nazir Bidzina İvanişvili ilə görüşdüyünü təsdiq edib. Trend-in məlumatına görə, İ.Alasaniya bu gün jurnalistlərə deyib ki, görüş Tbilisidəki "İvanişvili" Biznes Mərkəzində keçirilib.

İ.Alasaniya bildirib: "Bizim müxtəlif mövzularla bağlı geniş danışığımız oldu. Daha çox ölkədəki vəziyyətlə bağlı müzakirələr apardıq. Dövlətin ziyanına fəaliyyət göstərməmək barədə razılığa gəldik. Danışıqların nəticələri barədə mübarizə yoldaşlarıma ümumi məlumat verdim".

Bu dəqiqələrdə İ.Alasaniya parlamentin spikeri David Usupaşvili ilə görüşür.

Xatırladaq ki, noyabrın 4-də Baş nazir İrakli Qaribaşvili "Gürcü arzusu" blokunun Siyasi Şurasının iclası başa çatdıqdan sonra müdafiə naziri İ.Alasaniyanı istefaya göndərdiyini bəyan etmişdi.

Məqalədə:
Xəbər lenti

Xəbər lenti