Azərbaycan, Bakı, 5 fevral /Trend, müxbir Rufiz Hafizoğlu/
"Bank Asya"nın İdarə Heyətinin tərkibində dəyişiklik edilməsi və onun tamamilə dövlətin nəzarəti altına keçməsi siyasi addım deyil. Trend-in "Haber7" telekanalına istinadən verdiyi xəbərə görə, bu barədə Baş nazir Əhməd Davudoğlu bəyan edib.
Baş nazir ölkənin bank sisteminin fəaliyyətində, xüsusilə bank əməliyyatlarında şəffaflıq amilinin vacibliyini qeyd edib.
Onun sözlərinə görə, hökumət təkcə "Bank Asya"nın deyil, Türkiyənin digər banklarının əməliyyatlarında da şəffaflıq tələb edir.
Dünən "Bank Asya" tamamilə Əmanətlərin Sığortalanması Dövlət Fondunun (TMSF) nəzarəti altına keçib.