Azərbaycan, Bakı, 26 iyun /Trend/
Ermənistanın ikinci böyük şəhəri Gümrüdə elektrik enerjisi tariflərinin bahalaşmasına qarşı etiraz aksiyası gərgin şəraitdə keçir.
Bu barədə Trend "1in" agentliyinə istinadən xəbər verir.
Ötən axşam "Sayq" telekanalının jurnalisti Armenui Minasyan təxribatın qurbanı olub. Jurnalist mülki geyimli polislərin aksiya iştirakçıları ilə polis əməkdaşlarının danışıqlarını nə üçün videokameraya çəkməsinə aydınlıq gətirmək istəyib. Bu zaman A.Minasyanın videokamerası polis əməkdaşları tərəfindən zorla əlindən alınıb.