Bakı. Rufiz Hafizoğlu - Trend:
İstanbulda Pendik rayonunda naməlum şəxs məktəbli uşaqlara hücum edib.
Trend-in məlumatına görə, naməlum şəxs uşaqlar məktəbdən çıxarkən onlara silahla atəş açıb. İnsident nəticəsində 3 uşaq yaralanıb. Onlardan biri xəstəxanada ölüb.
Hadisə yerinə polis və tibbi briqada cəlb olunub.
Məlumata görə, hadisədən sonra hadisəni törədən şəxs intihar etmək istəyib.
Hadisənin təfərrüatları və yaralı şagirdlərin vəziyyəti barədə detallar verilməyib.