Bakı. Trend:
İranın cənub-şərqindəki Sistan və Bəlucistan əyalətində qum fırtınası nəticəsində 140-dan çox şəxs xəsarət alıb.
Trend-in məlumatına görə, 145 sakin tənəffüs, ürək və görmə problemləri ilə təcili yardıma müraciət edib. Onlardan 27-si xəstəxanaya yerləşdirilib.
Qum fırtınası zamanı küləyin sürəti saatda 104 kilometrə çatıb.
Bölgə rəhbərliyi xəstə və yaşlı sakinləri evdən çıxmamağa çağırıb.