Bakı. Trend:
Fransanın paytaxtı Parisdə prezident sarayının yaxınlığında bank qarət olunub.
Trend-in məlumatına görə, günorta saatlarında dörd silahlı şəxs banka daxil olub, əməkdaşların əl-qolunu bağlayaraq seyfləri boşaltmağa başlayıb.
30 seyfi boşaltdıqdan sonra soyğunçular hadisə yerindən uzaqlaşıb. Qarət olunan məbləğ açıqlanmır.
Bankın əməkdaşları 3 saata yaxın bağlı qaldıqdan sonra, polis tərəfindən azad edilib.