Bakı. Trend:
Materik Çində son 24 saat ərzində koronavirus ilə 12 yeni yoluxma halı qeydə alınıb, onlar 6 nəfər xaricdən gələnlərdir.
Daha 6 nəfər isə ölkə daxilində yolxub.
Trend-in məlumatına görə, bu barədə Çin Dövlət Səhiyyə Komitəsi bildirib.
Məlumata əsasən, xaricdən gələnlərdə yoluxma hallarından beşi Şanxayda aşkar olunub: iki xəstə Braziliyadan, üçü ABŞ-dan gəlib. Daha bir yoluxma faktı Futzan vilayətində qeydə alınıb.
Ölkə daxilində bütün altı yoluxma faktı Çinin Rusiya ilə həmsərhəd olan inzibati hissələrində - beşi Heyluntzyan vilayətində, biri Daxili Monqol Muxtar Vilayətində qeydə alınıb.
Ölkədə sutka ərzində COVID-19 ilə bağlı ölüm hadisəsi qeydə alınmayıb.