Bakı. Trend:
Türkiyə prezidenti Rəcəb Tayyib Ərdoğan qısa istirahətdən sonra tədbirlərdə iştirakını davam etdirəcək.
Trend-in məlumatına görə, bu barədə öz "Twitter" səhifəsində hakim Ədalət və İnkişaf Partiyasının (AKP) mətbuat katibi Ömər Çelik yazıb.
"Bəzi xarici KİV-lərdə prezidentimizin səhhəti ilə bağlı əxlaqsız yalan xəbərlər yayılır. Prezidentimiz öz vəzifəsi başındadır. Qısa istirahətdən sonra o, eyni şəkildə proqramlarına davam edəcək", - deyə o qeyd edob.
Partiyanın mətbuat katibi Türkiyə prezidentinin sağalması arzularına görə də minnətdarlığını bildirib.