Bakı. Trend:
İranın cənub-şərqində yerləşən Sistan və Bəlucistan əyalətində qum fırtınası nəticəsində azı bir nəfər ölüb, 250-dən çox insan zərər çəkib.
Trend xəbər verir ki, bu barədə əyalətin böhran idarəsinin rəhbəri Məcid Mohebi məlumat verib.
"Əyalətin tibb mərkəzlərinə 253 nəfər müraciət edib. Onlardan ən azı səkkizi mütəxəssislərin nəzarəti altında qalmalı olub. Müraciətlərin əsas səbəbi görmə, nəfəs alma və ürək problemləri ilə bağlıdır. Bir nəfər nəfəs almaqda problemlər yaradan fəsadlardan dünyasını dəyişib", - o bildirib.