Bakı. Trend:
ABŞ prezidenti Co Baydenin administrasiyası Ukraynaya əlavə yardım göstərmək üçün Dövlət Departamentinin qrant proqramından istifadə etməyi düşünür.
Trend-in məlumatına görə, bu barədə "Politico" qəzeti mənbələrə istinadən bildirib.
Məlumata əsasən, ABŞ Konqresinin Ukraynaya yardım üçün əlavə vəsait ayırması ilə bağlı qeyri-müəyyənlik fonunda ABŞ administrasiyası Kiyevə dəstəyin davam etdirilməsi üçün digər variantları araşdırır.
Digər məsələlərlə yanaşı, Vaşinqton ABŞ-ın müttəfiqlərinə Amerika silahlarının alınması üçün qrantlar və kreditlər ayırdığı Dövlət Departamenti proqramı vasitəsilə maliyyə vəsaitinin köçürülməsi imkanını nəzərdən keçirir.