Bakı. Trend:
Türkiyədə terror təşkilatının üzvlərinə qarşı əməliyyat keçirilib.
Trend xəbər verir ki, bu barədə Türkiyənin daxili işlər naziri Ali Yerlikaya yerli mətbuata açıqlama verib.
Nazir qeyd edib ki, Bitlis şəhəri və 9 qəsəbədə 113 ünvanda polis əməkdaşları tərəfindən terror təşkilatının üzvlərinə qarşı əməliyyat keçirilib:
"Keçirilən əməliyyat tədbirləri nəticəsində 88 nəfər saxlanılıb. Sonuncu terrorçu zərərsizləşdirilənədək mübarizələrini davam etdirəcəklər".