Bakı. Trend:
Cənubi Koreyada istidən ölənlərin sayı 21-ə çatıb.
Trend xarici KİV-lərə istinadən xəbər verir ki, bu barədə ölkənin Daxili İşlər və Təhlükəsizlik Nazirliyi məlumat yayıb.
Məlumata görə, mayın 20-dən avqustun 11-dək 2 293 nəfər istilər və onun fəsadları ilə bağlı xəstəxanalara müraciət edib.
Qeyd edilir ki, yüksək hava temperaturu səbəbilə 703 min baş kənd təsərrüfatı heyvanı, o cümlədən 658 min baş ev quşu tələf olub.