Bakı. Trend:
Peruda Maçu-Pikçu kompleksindən hərəkət edən avtobusun iştirakı ilə baş verən qəza nəticəsində azı 20 turist xəsarət alıb.
Trend TV Peru-ya istinadən xəbər verir ki, avtobus kompleksdən Aquas Calientes şəhərinə qayıdarkən yoldan çıxaraq yamacdan aşağı düşüb. İlkin məlumatlara görə, qəzaya səbəb süxurların yerdəyişməsinə səbəb olan pis hava şəraiti ola bilərdi.
Ümumilikdə avtobusda 32 sərnişin olub, onların arasında Argentina, Braziliya, Qvatemala, Çin, İtaliya, Meksika və Çilidən olan turistlər də olub. Zərərçəkənlərə tibbi yardım göstərilib, ciddi xəsarət və ölüm faktı qeydə alınmayıb.