Bakı. Trend:
Panama Xarici İşlər Naziri Xavyer Martinez Aça, Panama kanalının Mərkəzi Amerika ölkəsinin xalqını birləşdirən milli bir simvol olduğunu və satılmasının qeyri-mümkün olduğunu bəyan edib.
Trend xəbər verir ki, Martinez Aça yerli TVN telekanalına açıqlamasında bildirib: "Panamalılar üçün kanal satılmır, bu, bizi birləşdirən dindir."
Nazir əlavə edib ki, Panama kanalının beynəlxalq ictimaiyyətə, xüsusilə də ABŞ-a xidmət etməsi ölkənin əsas sərvətlərindən biridir: "Panamanın sərvəti olan kanal heç kimə imtiyaz yaratmadan bütün beynəlxalq ictimaiyyətə, xüsusilə də ABŞ-a uğurla xidmət edir. Ən çox Hyuston limanı bu kanaldan faydalanır."
Bu açıqlama, ABŞ-ın yeni seçilmiş prezidenti Donald Trampa Panama kanalını cəmi 1 dollara almaq üçün danışıqlar aparmağa imkan verə biləcək qanun layihəsinin respublikaçı konqresmen Dasti Conson tərəfindən təqdim edilməsinə cavab olaraq verilib.